Story date: May 28 , 2018

അങ്കമാലി : അങ്കമാലി പട്ടണത്തിൽ നാടോടികൾ നാട്ടുകാർക്കും പോലീസിനും തലവേദനയാകുന്നു.  അലഞ്ഞ് തിരിഞ്ഞ്  മദ്യവും മയക്കുമരുന്നും ഉപയോഗിച്ച് നടക്കുന്ന ഇവർ  നാട്ടുകാർക്കും യാത്രക്കാർക്കും പോലീസ് കാർക്കും ഒരുപോലെ പ്രശ്നനങ്ങൾ ഉണ്ടാക്കുന്നുണ്ട്.  ഭിക്ഷയാടനം ഉൾപ്പടെയുള്ളവയിൽ സജീവമായിട്ടുള്ള ഇവർ കിട്ടുന്ന പണം മദ്യത്തിനും മയക്കുമരുന്നും ചെലവഴിക്കുന്നതാണ് പോലീസുകാർക്കും നാട്ടുകാർക്കും ശല്യമാകുന്നത്.  മോഷണവും പിടിച്ചുപറിയും ഉൾപ്പടെ നടത്തിയിരുന്ന നാടോടികൾ മദ്യത്തിന്റെയും മയക്കുമരുന്നിന്റെയും ലഹരിയിൽ കൊലപാതകം വരെ ചെയ്യുന്ന അവസ്ഥയിൽ എത്തിയിരിക്കുകയാണ്. ഇത് നാട്ടുകാരെയും അങ്കമാലിയിൽ എത്തുന്ന യാത്രക്കാരെയും ഒരു പോലെ ഭീതിയിൽ ആക്കുന്നുണ്ട്. സംസ്ഥാനത്തിന്റെ വിവിധ ഭാഗങ്ങളിൽ നിന്ന് എത്തുന്ന നാടോടികൾ വൈകുന്നേരങ്ങളിൽ അങ്കമാലി കെ എസ് ആർ ടി സി ബസ് സ്റ്റാന്റിലാണ് പ്രധാനമായും തങ്ങുന്നത്. അല്ലങ്കിൽ കടകളുടെ വരാന്തകളിലാണ് തങ്ങുന്നത്. 

സ്റ്റാന്റിൽ തങ്ങുന്ന നാടോടികളുടെ ശല്യം മൂലം കെ എസ് ആർ ടി സി ബസ് സ്റ്റാന്റിൽ  സ്ത്രീകളും കുട്ടികളും അടങ്ങുന്ന യാത്രക്കാർ വളരെയേറെ ബുദ്ധിമുട്ടുകൾ അനുഭവിക്കുന്നുണ്ട്. ദേശീയ പാതയോരത്ത് ഏറെ തിരക്കേറിയ അങ്കമാലി പോലീസ് സ്റ്റേഷനു സമീപം രണ്ട് മാസം മുൻപ് കടയുടെ മുൻപിൽ ഉറങ്ങിയിരുന്ന വൃദ്ധൻ കല്ലിനടിയേറ്റ് കൊല്ലപ്പെട്ട നിലയിൽ കണ്ടെത്തിയിരുന്നു. ചാലക്കുടി കുറ്റിച്ചിറ കാരാപ്പാടം ചാലപറമ്പൻ ജനാരദ്ദനൻ മകൻ സത്യൻ തലക്കടിയേറ്റ് കൊലപ്പെട്ടിട്ട് രണ്ട് മാസം പിന്നിട്ടിട്ടും പ്രതിയെ കണ്ടെത്തുവാൻ കഴിയാതെ പോലീസ് ഇരുട്ടിൽ തപ്പുമ്പോഴാണ് മൂന്ന് മാസം പ്രയുള്ള കുഞ്ഞിനെ പോലീസ് സ്റ്റേഷനിലെ പൊലീസ് സർക്കിൾ ഓഫീസ് കാര്യാലയത്തോട് ചേർന്ന് കാട് പിടിച്ച് കിടക്കുന്ന സ്ഥലത്ത് കൊന്നു കുഴിച്ചുമൂടിയ നിലയിൽ കണ്ടെത്തിയത്.

 കഴിഞ്ഞ മാർച്ച് പതിനൊന്നിന് പുലർച്ചെയാണ് സത്യനെ കൊല ചെയ്യപ്പെട്ട നിലയിൽ കണ്ടെത്തിയത്. റോഡിൽ നിന്ന് ഇളക്കിയെടുത്ത കല്ല് ഉപയോഗിച്ചാണ് കൊലപാതകം നടത്തിയെന്നാണ് പോലീസിന്റെ പ്രാഥമിക നിഗമനമെങ്കിലും ഇതുവരെ ഇതിന്റെ പ്രതികളെ കണ്ടെത്തുവാൻ പോലീസിന് കഴിഞ്ഞിട്ടില്ല. അന്ന് മരിച്ച  സത്യനും സുഹൃത്തുക്കളും തമ്മിൽ കെ എസ് ആർ ടി സി ബസ് സ്റ്റാന്റിനുള്ളിൽ തലേദിവസം തർക്കം ഉണ്ടായിരുന്നു. ഇതിന്റെ വൈര്യാഗമാണ് കൊലപാതകത്തിന് കാരണമായിട്ടുള്ളതെന്നാണ് പോലീസ് നിഗമനം ഇതിന്റെ അന്വേഷഷണം നടക്കുന്നതിനിടെയാണ് നാടിനെ ഞ്ഞെടുക്കിയ മറ്റൊരു കൊലപാതകം നടന്നത്.

 ' മൂന്ന് മാസം പ്രായം ആൺകുഞ്ഞിനെ പോലീസ് സ്റ്റേഷന്റെ പിറക് വശത്ത് പറകുളം റോഡിനോട് ചേർന്ന് കിടക്കുന്ന ഭാഗത്ത് ഭർത്താവ് കൊന്ന് കുഴിച്ചിട്ടതായി തമിഴ്നാട് സ്വദേശിനിയായ സുധഎന്ന നടോടി സ്ത്രി പരാതിയുമായി എത്തിയപ്പോഴാണ് കൊല നടത്തി മൂന്ന് മാസം പ്രായമുള്ള ആൺകുഞ്ഞിനെ പോലീസ് സ്റ്റേഷൻ വളപ്പിൽ കുഴിച്ചിട്ട സംഭവം പുറലോകം അറിയുന്നത്. ശനിയാഴ്ച്ച രാത്രി പതിനൊന്ന് മണിയോടെ കൊലപാതകം നടത്തിയതെന്നും തുടർന്ന് തെളിവ് നശിപ്പിക്കുന്നതിനു വേണ്ടിയാണ് ആളൊഴിഞ്ഞ ഈ ഭാഗത്ത് മൃതദേഹം കുഴിച്ചിട്ടതെന്നും കുട്ടിയുടെ മാതാവ് സുധ പോലീസിനോട് പറഞ്ഞു. കുട്ടിയുടെ മാതാവായ സുധ നൽകിയ പരാതിയെ തുടർന്ന് ഭർത്താവ് എന്ന് പറയപ്പെടുന്ന പാലക്കാട് സ്വദേശി മണികണ്ഠനെ അങ്കമാലി പോലിസ് കസ്റ്റഡിയിലെടുത്തു. എന്നാൽ മുലപാൽ കുടിക്കുന്നതിനിടെ ശ്വാസം മുട്ടിയാണ് കുട്ടി മരിച്ചതെന്നാണ് പോലീസ് കസ്റ്റഡിയിലായ മണികണoൻ പോലീസിനോട് പറഞ്ഞത്. ഇരുവരും പോലീസിനോട് പറഞ്ഞ കഥ പൂർണ്ണമായും പോലീസ് മുഖവിലയ്ക്കിടുത്തിട്ടില്ല. പോലീസ് സ്റ്റേഷനിൽ എത്തുമ്പോൾ ഇരുവരും നല്ല മദ്യലഹരിയിലായിരുന്നു അതുകൊണ്ട് ഇരുവരും പരസ്പര വിരുദ്ധമായ കാര്യങ്ങളാണ് പോലീസിനോട് പറയുന്നത്.

 ഇത് സംഭവുമായി ബന്ധപ്പെട്ട് കാര്യങ്ങൾ അറിയുന്നതിന് പോലീസിന് ബുദ്ധിമുട്ട് ഉണ്ടാക്കുന്നുണ്ട്. എസ്.പി രാഹുൽ ആർ നായർ സ്ഥലത്ത് എത്തി പരിശോധന ടത്തി. കൂടാതെ ഫോറൻസിഗ് ഫിങ്കർ  പ്രിന്റ് ഉദ്യോഗസ്ഥർ ഉൾപ്പടെയുള്ളവരും സ്ഥലത്ത് എത്തി പരിശോധന നടത്തി ആർ ഡി ഒ ഷാജഹാന്റെ നേതൃത്വത്തിലുള്ള സംഘമാണ് മൃതദേഹം പുറത്തെടുത്ത്. മൃതദേഹം അങ്കമാലി ഗവൺമേന്റ് താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഇന്ന് കളമശ്ശേരി മെഡിക്കൽ കോളേജിൽ പോസ്റ്റ് മാർട്ടം നടത്തിയതിനു ശേഷം മാത്രമെ മരണകാരണം കണ്ടെത്താനാകുവെന്ന് പോലീസ് വ്യക്തമാക്കി. മരണമടഞ്ഞ കുഞ്ഞിന്റെ അമ്മ സുധയും ഭർത്താവ് എന്ന് പറയപ്പെടുന്ന മണികണ്ഠനും മുഴുവൻ സമയവും മദ്യലഹരിയിൽ നടക്കുന്നവരാണ്. ഇവർ തമ്മിൽ തർക്കങ്ങൾ ഉണ്ടാകുന്നതും സ്ഥിരമാണ്,കുറച്ച് നാളുകളിലായി പോലീസ് സ്റ്റേഷൻ , കെ എസ് ആർ ടി സി ബസ് സ്റ്റാന്റ് തുടങ്ങിയ പരിസര പ്രദേശങ്ങളിലാണ് ഇവർ താമസിക്കുന്നത് ഇത്തരത്തിൽ തർക്കം ഉണ്ടായതിനെ തുടർന്നാണോ കുഞ്ഞ് മരണമടഞ്ഞതെന്നും പോലീസ് സംശയിക്കുന്നുണ്ട്